Këngëtari i njohur, Ermal Fejzullahu gjatë ditës së sotme është vetaksidentuar me veturë, por nuk ka pësuar lëndime trupore.
Ermali në veturë ishte me disa anëtarë të familjes por, për fat edhe ata nuk kanë pësuar asnjë lëndim.
Ermali pas aksidentit përmes një postimi në Instagram tregoi se nuk ka asgjë për t’u shqetësuar, shkruan ora.info.
“Deshta të ju njoftoi që kam qenë pjesë e një aksidenti, së bashku me disa anëtarë të familjes time. Të gjithë jemi shëndosh e mirë dhe nuk është diçka për me u bë tragjike”, tha ai.
Ermali në fund falënderoi të gjithë për kujdesin që kanë treguar lidhur me rastin.