Feronikeli, paratë e biletave do t’i ndajë për Shqipërinë
KF Feronikeli merr vendim që të gjitha të ardhurat nga shitja e biletave të ndeshjes së sotme, mes KF Feronikelit dhe KF Llapit, të dërgohen në Shqipëri si ndihmë sado e vogël për të dëmtuarit nga tërmeti.
Gjendja në Shqipëri duket ende e rëndë dhe si klub nuk mund të rrinim duarkryq, në raport me vëllezërit tanë atje.
KF Feronikeli gjithashtu do të nxjerrë në shitje numër më të madh të biletave sot, në rast që dikush dëshiron të blejë dy apo më shumë, që të ndihmojë Shqipërinë në këtë kohë të vështirë.
Lusim tifozët që të jenë të pranishëm në stadium në numër sa më të madh, ta përkrahin klubin e zemrës, e me këtë të dhurojnë ndihmë edhe në zonat e prekura nga tërmeti.
Ndeshja ndaj Llapit luhet sot, me fillim prej orës 12:30, në stadiumin “Rexhep Rexhepi”, në Drenas.
