Çekia ia mbyll Kosovës një rrugë për në “Euro 2020”, shpresë mbetet Liga e Kombeve

Kosova ka humbur 2 me 1 ndeshjen vendimtare me Çekinë në Grupin A të kualifikimeve për Kampionatin Botëror për të humbur edhe matematikisht shanset për kualifikim nga eliminatoret e rregullta.

Atdhe Nuhiu kaloi “Dardanët” në epërsi në minutën e 50-të, por çekët arritën që të përmbysin gjithçka me dy gola të shpejtë në minutat 71’ dhe 79’. Kral dhe Celustka realizuan golat për fitoren që e çon Çekinë në Euro 2020.

Loading...
Loading...

Në tabelë, me vetëm një ndeshje të mbetur deri në fund, Anglia dhe Çekia janë ekipet që kanë siguruar kualifikimin. Anglezët në vendin e parë kanë 18 pikë, e çekët në të dytin 15. Kosova deri tash ka grumbulluar 11 pikë dhe me një ndeshje të mbetur e ka të pamundur të arrijë pozitën e dytë. Mali i Zi e Bullgaria mbyllin grupin me nga tri pikë.

Të dielën, në “Fadil Vokrri” Kosova pret Anglinë në xhiron e fundit të Grupit A.

Pavarësisht këtij eliminimi, Kosova ka një shans tjetër për kualifikim në “Euro 2020”. Kjo përmes Ligës së Kombeve, ku ka arritur në fazën e play-offit në Ligën D. Aty do të takohet me Maqedoninë e Veriut në muajin mars të vitit 2020 dhe nëse fiton përballet me fituesin e duelit Bjellorus-Gjeorgji. Fituesi i play-offit shkon në “Euro 2020”.

Image
 22:22

Çekia në epërsi ndaj Kosovës

Alex Kral ka realizuar edhe një herë ndaj Kosovës për të kaluar Çekinë në epërsi.

Ai realizoi në minutën e 79-të për 2 me 1.

 

 

 22:13

Çekia barazon rezultatin ndaj Kosovës

Çekia ka barazuar rezultatin ndaj Kosovës, përmes Alex Kralit.

Ai shënoi për 1 me 1 në minutën e 71-të nga një gjuajtje prej distancës.

 

 

 21:52

Kosova në epërsi, realizon Nuhiu

Kosova ka kaluar në epërsi ndaj Çekisë. Golin e ka realizuar Atdhe Nuhiu në minutën e 50-të.

Ai shënoi me kokë pas një harkimi të Florent Hadërgjonajt.

 

Kjo është atmosfera e “Dardanëve” pas golit të realizuar ndaj Çekisë.

 

 21:48

Nis pjesa e dytë

Ka nisur në Plzen pjesa e dytë e përballjes Çeki – Kosovë.

Te Kosova, përzgjedhësi Bernard Challandes ka nisur pjesën e dytë me një ndryshim në përbërje. Besar Halimi zëvendësoi Anel Rashkajn.

 21:31

Pjesa e parë mbyllet pa gola, dominon Çekia

Ka përfunduar pa gola pjesa e parë e ndeshjes mes Çekisë e Kosovës në kualifikimet për “Euro 2020”.

Çekët dominuan plotësisht duke rrezikuar disa herë portën e Arijanet Muriqit që arriti me sukses të priste gjuajtjet e vendasve.

 21:15

30 minuta lojë, asnjë rast për Kosovën

Kanë kaluar 30 minuta lojë, me çekët që kanë dominuar që nga fillimi i ndeshjes.

Përderisa vendasit patën disa raste për lojë, “Dardanët” nuk arritën të rrezikojnë asnjëherë portën e çekëve.

Portieri Arijanet Muriqi shpëtoi disa herë Kosovën.

 20:56

Çekia dominon në fillim të ndeshjes

Kanë përfunduar dhjetë minutat e parë të ndeshjes me Çekinë që ka dominuar.

Vendasit krijuan disa raste për gol, por mbrojtja e “Dardanëve” u tregua e vëmendshme. Në një rast, Kosovën e shpëtoi edhe portieri Arijanet Muriqi.

 20:45

Nis ndeshja Çeki – Kosovë

Ka nisur në Plzen përballja mes Çekisë e Kosovës, e vlefshme për Grupin A kualifikues për Kampionatin Evropian 2020.

Ndeshja e xhiros së parafundit të grupit në eliminatore mund të jetë vendimtare për fatin e Kosovës në rrugën drejt Evropianit. Nëse Kosova fiton ruan shanset për kualifikim, ndërsa nëse humb Çekia siguron kualifikimin.

Para kësaj ndeshje kjo është tabela:

Image

Shpërndaje këtë lajm në:

Më shumë