Titulli për IPKO Superligën e Kosovës ende nuk është përcaktuar se cilës skuadër do t’i takojë këtë sezon.
Kanë mbetur dhe katër ndeshje për t’u zhvilluar dhe lufta për titullin e kampionit është më fortë se asnjëherë më parë në kampionatin kosovar, me Feronikelin, Prishtinën dhe Llapin, të cilat nuk po dorëzohen në këtë luftë të ashpër.
Feronikeli vazhdon të jetë lider në tabelë me 68 pikë, aq sa ka dhe Prishtina në vendin e dytë, ndërsa Llapi në të tretën me 66 pikë, shkruan Insporti.com.
Sot do të zhvillohet java e 30-të dhe vëmendja do të jetë në Gjilan, pasi do kampioni aktual, Drita e pret Prishtinën.
Drita që në këtë sezon ka dështuar të arrijë objektivat dhe në këtë ndeshjet e fundit po luan për prestigj, do të jetë arrë e fortë për skuadrat e kreut të tabelës dhe sot do të jetë nikoqire e Prishtinës.
Gjyqtari i kësaj ndeshje do të jetë Selim Isufi.
Lideri tabelës do të ketë punë të vështirë me rivalin lokal, Drenicën. Skuadra e drejtuar nga Zekirja Ramadani pasi kualifikimit në finale të Kupës së Kosovës, do të tentojë të vazhdojë formën e mirë dhe në kampionat ndaj Drenicës, e cila ende nuk ka siguruar mbijetesën matematikisht.
Gjyqtar kryesor në këtë ndeshje do të jetë Genc Nuza.
Të dy takimet do të zhvillohen në orarin e njëjtë, me fillim të orës 16:00. /Insporti.com/
