I riu nga Drenasi vdes në vendin e punës, ra nga ndërtesa në Fushë Kosovë
Një person ka humbur jetën mëngjesin e sotëm si pasojë e rënies nga një objekt ku po kryheshin punime.
“Rreth orës 07:30 kemi marrë informacionin se në Fushë-Kosovë, nga një objekt ku po kryheshin punime, një person ka rënë nga lartësia”, ka thënë Agron Borovci, nga Policia e Kosovës për rajonin e Prishtinës.
Burimet e DrenicaOnline kanë mësuar se viktima është nga një fshat i Komunës së Drenasit. Identiteti i viktimës është i ditur për redaksinë mirëpo për shkaqe etike aktualisht nuk mund të publikohet.
Me të marrë informacionin, policia bashkë me ekipin e mjekëve kanë dalë në vendin e ngjarjes ku edhe është konstatuar vdekja e viktimës.
“Policia ka filluar ndërmarrjen e veprimeve të nevojshme policore si dhe ka induar një hetim me qëllim të ndriçimit të rrethanave të rastit”, ka shtuar Borovci.
Duhet shtuar se në Kosovë janë të shumta rastet kur persona të ndryshëm humbin jetën përderisa janë duke punuar në objekte të larta./DrenicaOnline/
