Ky është personi i arrestuar në Poklek pasi gjuajti me armë
Një aheng familjar në fshatin Poklek të Ri të Drenasit është shndërruar në skenë ndërhyrjeje policore, pasi është raportuar për të shtëna me armë zjarri.
Ngjarja ka ndodhur më 12 gusht 2025, rreth orës 18:35, në rrugën “Valdet Xhemajli”, ku gjatë festës së dasmës, i dyshuari F. Berisha, rreth 35-vjeçar kishte shtënë dy herë në ajër me një pistoletë të blerë jashtë vendit, në Gjermani.
Njësitë policore, hetuesia dhe forenzika kanë dalë menjëherë në vendngjarje, ku arma dhe fishekët janë sekuestruar.
Me urdhër të Prokurorit të Shtetit, ndaj 35-vjeçarit është iniciuar rasti për “Mbajtje në pronësi, kontroll ose posedim të paautorizuar të armëve” dhe “Përdorim i armës apo mjetit të rrezikshëm”.
Shënim: Personat e apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
