Tragjedi në magjistralen Pejë-Prishtinë: Një person humb jetën në një vetaksident trafiku
Sot në orët e mëngjesit, një person ka humbur jetën si pasojë e një vetaksidenti në magjistralen Pejë-Prishtinë, në afërsi të fshatit Poterq të Klinës.
Lajmin e ka konfirmuar zëdhënësi i Policisë për rajonin e Pejës, Fadil Gashi. Sipas informacioneve paraprake, automjeti i viktimës ka dalë nga rruga për arsye ende të paqarta.
“Ekipet policore dhe ato emergjente janë në vendin e ngjarjes dhe po kryejnë hetimet për të përcaktuar shkaqet e aksidentit”, tha Gashi.
Policia iu bënë thirrje për kujdes të shtuar në rrugë, sidomos në këtë periudhë të vitit kur kushtet atmosferike mund të ndikojnë në sigurinë e vozitjes.
DrenicaOnline do të ju mbajë të informuar për zhvillimet e mëtejshme mbi këtë rast.
