Sot nis fushata për raundin e dytë të zgjedhjeve komunale, Drenica fle e qetë
Sot, më 3 nëntor nis zyrtarisht fushata zgjedhore për raundin e dytë të zgjedhjeve për kryetarë komunash.
Kjo fushatë do të zgjasë deri në momentin e hapjes së qendrave të votimit më 9 nëntor në orën 07:00.
Raundi i dytë i zgjedhjeve për kryetarë komunash do të zhvillohet në 17 komuna.
Gara e balotazhit dhe fushata zgjedhore po zhvillohet në një situatë të ndjeshme politike, pas dështimit të formimit të Qeverisë së re ku mund të kemi edhe zgjedhjeve të jashtëzakonshme parlamentare, e të cilat do të mund të mbahen në muajin dhjetor.
Në Drenas e Skenderaj s’ka fushatë sepse që në raundin e parë kanë fituar Ramiz Lladrovci në Drenas dhe Sami Lushtaku në Skenderaj./DrenicaOnline/
