PDK shton aktivitetin në Drenas: Nga selia në Prishtinë njoftim edhe për tubim partiak në fshat

Partia Demokratike e Kosovës ka hedhur gjithë “arsenalin” e saj politik në Drenas për ta “luftuar” kryetarin aktual, Ramiz Lladrovci.

Sot selia qendrore e PDK-së në Prishtinë u ka dërguar të gjitha mediave një njoftim për një aktivitet partiak që do të mbahet në një fshat të Drenasit.

Ky veprim nuk është praktikë e zakonshme e PDK-së, pasi zakonisht njoftimet e tilla dërgohen vetëm për tubime në nivel komune.

Megjithatë, mbetet të shihet nëse mobilizimi i udhëhequr nga qendra do të arrijë të ndikojë në qëndrimin e drenasasve përballë garës zgjedhore.