Tragjike në Drenas: Vdes një e mitur si pasojë e aksidentit, katër të lënduar, deklarohet policia (VIDEO)
DrenicaOnline njoftoi para pak minutave për aksidentin e rëndë që ndodhi sot pasdite në fshatin Zabel i Ulët të Drenasit, ku si pasojë humbi jetën një vajzë e mitur.
Ngjarja tragjike ndodhi rreth orës 17:00, kur një automjet u përfshi në aksident trafiku. Përveç viktimës, katër persona të tjerë kanë mbetur të lënduar dhe janë dërguar për tretman mjekësor.
Lajmin për rastin e ka konfirmuar edhe zëdhënësja e Policisë për rajonin e Prishtinës, Flora Ahmeti:
“Sot rreth orës 17:00 kemi pranuar informatën se në fshatin Zabel i Ulët të Drenasit ka ndodhur një aksident trafiku me pasoja fatale. Si pasojë e aksidentit një person ka mbetur i vdekur dhe katër të tjerë janë lënduar. Vdekja e viktimës (e mitur) është konstatuar nga ekipi mjekësor në vendin e ngjarjes, ndërkohë që të lënduarit janë dërguar për tretman mjekësor. Me rastin po merret njësiti i trafikut rajonal.”
VIDEO
