Shukri Buja nga Rubofci: Gratë dhe të rinjtë po tregojnë vendosmëri për ndryshime pozitive në Lipjan
Kandidati për kryetar të Komunës së Lipjanit, Shukri Buja, ka zhvilluar një takim me banorët e fshatit Rubofc, ku së bashku me Agronin, kandidatin për Kuvend Komunal, kanë bashkëbiseduar hapur për sfidat me të cilat përballen banorët e Rubofcit dhe Kojskës.
Buja tha se ishte i kënaqur me mikpritjen dhe pjesëmarrjen e qytetarëve, duke theksuar veçanërisht rolin aktiv të grave dhe të rinjve në këtë takim.
“Ajo që më gëzon më së shumti është pjesëmarrja aktive e grave dhe të rinjve në këtë bashkëbisedim, të cilët po tregojnë vendosmërinë për të qenë pjesë e ndryshimeve pozitive në komunën tonë,” u shpreh ai.
Buja përfundoi fjalën e tij duke theksuar se me këtë mobilizim, fitorja në zgjedhjet e ardhshme është e sigurt.
