Bashkimi Demokratik mban mbledhjen e rregullt të Shtabit Zgjedhor për Zgjedhjet Lokale 2025
Shtabi Zgjedhor i Bashkimit Demokratik ka mbajtur mbledhjen e radhës në kuadër të përgatitjeve intensive për Zgjedhjet Lokale 2025.
Në takim u theksua se suksesi i zgjedhjeve mbetet prioriteti kryesor për udhëheqësinë e partisë, anëtarët dhe simpatizantët e saj. Pjesëmarrësit kontribuan me ide dhe propozime konkrete për implementimin e strategjisë së angazhimit qytetar, si dhe për mobilizimin maksimal të votuesve.
Gjithashtu, u përcaktuan detyra të veçanta që kanë ndikim të drejtpërdrejtë në mbarëvajtjen e procesit zgjedhor, duke u ndalur në rëndësinë e bashkëpunimit dhe koordinimit të plotë në këtë fazë vendimtare.
Ky takim, sipas BD-së, rikonfirmon përkushtimin e partisë për zhvillimin e zgjedhjeve të ndershme dhe korrekte.
