Shukri Buja: Gratë do të jenë në qendër të vizionit për të ardhmen e Lipjanit
Kandidati për kryetar të Komunës së Lipjanit nga radhët e PDK-së, Shukri Buja, ka zhvilluar një takim me gratë e fshatrave Bujan dhe Breg i Zi, në prani të Sekretares së Përgjithshme të PDK-së dhe deputetes së Kuvendit të Kosovës, Vlora Çitaku.
Buja ka falënderuar Çitakun për mbështetjen dhe angazhimin e saj, duke e cilësuar takimin si të paharrueshëm dhe të mbushur me entuziazëm, energji e besim për fitoren e përbashkët.
Sipas tij, mesazhi i grave të këtyre fshatrave ishte i qartë: përkrahje masive për projektin politik që ai po ofron për Lipjanin.
“Gratë do të jenë në qendër të vizionit tonë për të ardhmen e komunës. Do të krijojmë më shumë mundësi për punësim dhe ndërmarrësi për gratë, mbështetje në arsim dhe trajnim profesional për vajzat e reja, si dhe përfshirje të fuqishme të grave në vendimmarrje”, ka deklaruar Buja.
Ai shtoi se Lipjani që po ndërtojnë do të jetë një komunë ku zëri dhe kontributi i grave do të jenë themel i zhvillimit dhe progresit.
