Mjeku i UÇK-së i bashkohet vizionit të Shukri Bujës për Lipjanin

Kandidati për kryetar të Komunës së Lipjanit, Shukri Buja, ka bërë të ditur se Dr. Ramë Zeqiri, gjinekolog-obstetër me karrierë të gjatë dhe të respektuar, i është bashkuar vizionit të tij për një Lipjan më të zhvilluar, transmeton portali DrenicaOnline.

Dr. Zeqiri, i njohur për kontributin e tij në shëndetësinë vendore, ka shërbyer si mjek i UÇK-së gjatë luftës, ka udhëhequr repartin e Gjinekologjisë në Lipjan dhe ka dhënë kontribut akademik e mjekësor në nivel kombëtar dhe ndërkombëtar.

Sipas Bujës, mbështetja e Dr. Zeqirit është një dëshmi e besimit në ndryshim dhe zhvillim, si dhe një vlerë e shtuar për vizionin e tij në drejtimin e komunës./DrenicaOnline/