“Ma këpute shpirtin” – Fjalët prekëse të babait për 21-vjeçarin që humbi jetën në Itali
Një ngjarje tragjike ka ndodhur ditën e djeshme në Itali, ku një i ri nga Kosova ka humbur jetën teksa ishte në vendin e punës.
Viktima është Pashtrik Krasniqi, 21-vjeç, i cili ka ndërruar jetë si pasojë e goditjes nga rryma elektrike. Ngjarja ka ndodhur në një platformë pune, në një lartësi prej gjashtë metrash.
Fatkeqësisht, goditja nga rryma i ka shkaktuar vdekjen e menjëhershme të të riut kosovar.
Pas lajmit të dhimbshëm, ka reaguar edhe babai i Pashtrikut, i cili ka shprehur pikëllimin e thellë përmes një postimi në rrjetin social Facebook.
“Ma këpute shpirtin Pashtrik”.
“Biri im, Allahu të paska dashur më shumë se të gjithe ne. Lus Allahun të jesh njëri prej banorëve të Xhenetit”, ka shkruar ai.
.
.
.
