Lladrovci publikon listat e dëshmorëve për familjet e të cilëve dha mirënjohje
Kryetari i komunës së Drenasit, Ramiz Lladrovci, me rastin e Ditës së çlirimit të komunës, ka dhënë mirënjohje për të gjitha familjet e dëshmorëve.
Ai me këtë rast ka kërkuar që nëse dikush ka vërejtje apo nuk është përfshirë në listë, të deklarohet.
Postimi i Lladrovcit në rrjetin social:
Të nderuara Familje të dëshmorëve,
Sot, shumica e mirënjohjeve për Familjet e dëshmorëve janë dorëzuar në shtëpi nga drejtorët e shkollave dhe besoj shpejtë, do të shpërndahen të gjitha, edhe për familjet që jetojnë jashtë komunës së Drenasit.
Mirënjohjet janë dedikuar për Familjet e dëshmorëve me rastin e Ditës së çlirimit të Drenasit, sipas listës që posedojmë. Çdo vërejtje apo ndonjë mungesë në listë, paraprakisht kërkojmë falje dhe na njoftoni për ta plotësuar listën.
Me nderime,
Ramiz Lladrovci
