Pranvera Zogaj anëtarësohet në partinë “Bashkimi Demokratik” në Drenas
Pranvera Zogaj, një studente e re dhe premtuese nga Drenasi, është anëtarësuar sot në Partinë Politike “Bashkimi Demokratik”. Ajo është pritur në zyrat qendrore të partisë nga kryetari i BD-së, prof. dr. Ajvaz Berisha, së bashku me bashkëpunëtorët e tij.
Ky anëtarësim shënon një hap të rëndësishëm në fuqizimin e pjesëmarrjes së të rinjve në jetën politike dhe shoqërore të vendit. “Bashkimi Demokratik” e konsideron rininë si një prej shtyllave më të forta të vizionit dhe programit të saj, duke ofruar hapësira konkrete për angazhim, ide dhe veprim.
“Angazhimi i Pranverës është dëshmi se rinia ka vullnetin dhe gatishmërinë për të qenë pjesë aktive e ndryshimeve pozitive. Ne jemi të bindur se ajo do të sjellë energji të re dhe kontribut të çmuar në rrugëtimin tonë të përbashkët,” u shpreh kryetari Ajvaz Berisha pas takimit.
Pjesëmarrja e të rinjve në strukturat vendimmarrëse përbën një hap të domosdoshëm për krijimin e politikave përfshirëse, progresive dhe të orientuara drejt të ardhmes. Pranvera Zogaj është shembulli më i mirë se si rinia mund të jetë jo vetëm zë kritik, por edhe forcë transformuese në ndërtimin e një shoqërie më të drejtë e më të zhvilluar.
PP “Bashkimi Demokratik”
Zyra për Komunikim me Publikun
