Edhe Policia gjobitet për parkim të gabuar (Video)

Një situatë e pazakontë ka ndodhur sot në kryeqytet, ku një patrullë policore ka vendosur gjobë ndaj një veture zyrtare të Policisë së Kosovës, transmeton IndeksOnline.

Në xhamin e automjetit është vendosur një njoftim që kërkon nga pronari i veturës të paraqitet në stacionin policor, për shkak të një kundërvajtjeje të evidentuar – parkimi në mënyrë të parregullt në njërin prej shiritave të rrugës “UÇK” në Prishtinë.

Ky veprim, ndonëse i rrallë, është një sinjal i qartë se askush nuk është mbi ligjin dhe se rregullat e komunikacionit vlejnë për të gjithë, përfshirë edhe zyrtarët policorë.

Rasti ka ngjallur reagime pozitive në rrjete sociale, ku qytetarët e kanë përshëndetur barazinë para ligjit dhe zbatimin korrekt të tij nga vetë Policia e Kosovës./IndeksOnline/