Vasileva mobilizohet për fitoren e PDK-së – Aurora Berisha: “Entuziazmi i këtyre njerëzve është forca jonë”
Kandidatja për deputete nga Partia Demokratike e Kosovës (PDK), Aurora Berisha, ka zhvilluar një takim entuziast me banorët e fshatit Vasilevë, duke theksuar mbështetjen e madhe që ky fshat po i jep PDK-së dhe kandidatit për kryeministër, Bedri Hamza.
Berisha u shpreh se mobilizimi i këtij fshati, ashtu si edhe i gjithë Drenicës, është dëshmi e qartë e përkrahjes për programin e PDK-së.
“Takimet e tilla na e forcojnë bindjen se programi i Bedri Hamzës, kryeministrit të ardhshëm të Kosovës, po mbështetet në çdo lagje, fshat dhe qytet,” tha ajo.
PDK po vazhdon aktivitetet e saj intensive në prag të zgjedhjeve të 9 shkurtit, duke synuar fitore të thellë në bastionet e saj tradicionale dhe më gjerë.
