Drenicasi Arbër Gashi i mbijeton aksidentit të rëndë, kërkohet ndihma e juaj për trajtim jashtë vendit
Kryetari i Komunës së Skenderajt, Fadil Nura, ka bërë thirrje për ndihmë për bashkëqytetarin Arbër Gashi, i cili i mbijetoi një aksidenti të rëndë që ia vuri jetën në rrezik.
Pas ngjarjes së rëndë, Arbëri ka nevojë për trajtim mjekësor jashtë vendit për t’u rikuperuar plotësisht dhe për t’u kthyer pranë familjes së tij.
Kryetari Nura theksoi se është momenti që komuniteti të tregojë solidaritet dhe ta mbështesë Arbërin në këtë sfidë të vështirë, duke e ndihmuar të ketë një mundësi të dytë për jetë, transmeton DrenicaOnline.
Postimi i plotë i Nurës:
Arbër Gashi nga Kryshefci i Skenderajt është kthyer edhe një herë në jetë, se kështu ishte vullneti i Zotit, duke i ofruar edhe një mundësi të vazhdojë përpara jetën e tij dhe të jetë shumë falënderues, pas një aksidenti ku e kishte parë vdekjen me sy.
Më shumë se në çdo rrethanë tjetër, Arbërit sot i duhet mbështetja jonë, me aq sa na lejojnë mundësitë, që të vazhdojë trajtimin mjekësor jashtë vendit dhe të rikthehet shëndosh e mirë në familje që e pret më padurim.
Qoftë e kaluar dhe shërim të shpejtë!🙏
