Krimi i rëndë në Prishtinë: Policia akoma në vendngjarje, hyrja e banesës e rrethuar me shirita
Një ngjarje të rëndë ndodhi sonte në kryeqytet, ku një person u ther për vdekje me thikë nga vëllai i tij. Ky rast tronditi familjen Miftari, ndërsa akoma s’dihet motivi dhe rrethanat e rastit.
Rasti ndodhi para rreth dy ore dhe vdekjen e viktimës e ka konstatuar ekipi mjekësor i Emergjencës.
Sinjali mëson se Policia ka arritur të identifikojë të dyshuarin, i cili doli të jetë vëllai i viktimës, Gent Miftari.
Miftari po dyshohet se e theri disa herë me thikë vëllain e tij, për motive akoma të panjohura.
Auron Miftari mbeti i vdekur si pasojë e therjes me thikë, pasi nuk arriti t’i mbijetojë plagëve, raporton Sinjali.
Ndërkaq, Policia e Kosovës ndodhet ende tek hyrja e banesës ku ndodhi krimi dhe se tashmë hyrja për tek banesa është rrethuar me shirit.
Sinjali ka siguruar edhe pamjet nga vendi i ngjarjes, ku Policia po zhvillon hetimet për këtë rast të rëndë
