Bedri Hamza në hall/ Salla nuk po i zënë të gjithë përkrahësit e tij (Foto)
Kandidati për Kryeministër i PDK-së, Bedri Hamza, ka pasur një tubim të madh me qytetarët e Mitrovicës, komunë me të cilën edhe udhëheq, transmeton DrenicaOnline.
Hamza ka thënë se vite më parë u bashkuan “që ta bëjnë Mitrovicën më të mirë, që t’ia rikthejnë atë qytetarëve, që t’ia rikthejnë identitetin e kampionit të shumëfishtë, në sport, në kulturë, në realizimin e projekteve”, ndërsa tash po bashkohen për Kosovën.
“Mitrovica nuk i bashkon vetëm zemrat tona, por na bashkoi edhe neve. Sonte ishim aq shumë, saqë as salla nuk na zuri. Vite më parë u bashkuam që ta bëjmë Mitrovicën më të mirë. U bashkuam që Mitrovicën t’ia rikthejmë qytetarëve dhe t’ia rikthejmë asaj identitetin e kampionit të shumëfishtë, në sport, në kulturë, në realizimin e projekteve. E bëmë. Tash po bashkohemi për Kosovën! Ju falënderoj të gjithëve për përkrahjen e madhe! Gjithmonë në shërbim të qytetarëve! Gjithmonë me ty, MITROVICË! ”, ka shkruar Hamza.
