Pamje nga vendi ku ndodhi shpërthimi në Zveçan, prezenca të shtuara të Policisë monitorojnë situatën
Rreth mesnatës, një shpërthim i fortë ka ndodhur në afërsi të një pike të karburantit në Zveçan.
Kjo është konfirmuar nga zv.drejtori i Policisë së Kosovë për rajonin e veriut, Veton Elshani.
Ai ka thënë se nga ky shpërthim nuk ka të lënduar, pos dëmeve materiale.
Elshani ka thënë se akoma nuk dihen shkaqet e këtij shpërthimi.
“Rreth mesnatës në afërsi të pompës së benzinës e cila është në qendër të Zveçanit ka ndodh një shpërthim. Nga ky shpërthim nuk ka të lënduar, ndërsa ka pas dëme materiale në shtëpizën e pompës së benzinës dhe disa vetura në afërsi. Nuk mund të themi ende se çka e ka shkaktu këtë shpërthim, ndërsa njësitet përkatëse janë në vendin e ngjarjes”, ka thënë ai.
Mediumi Kosovo-Online ka publikuar disa pamje pas shpërthimit, ku dhe kanë raportuar se disa automjete janë dëmtuar të cilat ndodheshin pranë pikës së karburantit në momentin e shpërthimit.
