Trupi i Faton Hajrizit ende në Serbi, familja: Për ceremoninë e varrimit dhe të pamet ju njoftojmë me kohë
Artan Hajrizi ka thënë se familja e tij ende nuk e di se kur do t’u dorëzohet trupi i Faton Hajrizit nga autoritetet serbe.
Ndërkohë, ka thënë se për ceremoninë e varrimit dhe hapjen e të pamës, të gjithë do të njoftohen me kohë.
Ndryshe, edhe një person tjetër është arrestuar sot si i dyshuar për ikjen e Faton Hajrizit nga Burgu i Smrekonicës.
Poashtu, edhe dje është arrestuar një person për të njëjtin rast pasi dyshohet se i ka ndihmuar Faton Hajrizit pas arratisjes nga Burgu i Smrekonicës.
Hajrizi në mesnatën e të mërkurës dyshohet se vrau një polic serb dhe plagosi një tjetër, teksa ishte në kërkim nga ana e policisë së Serbisë deri pardje, ku dyshohet se u vra jo larg Lloznicës.
