Kosova i është drejtuar Serbisë për Faton Hajrizin: Trupi i qytetarit tonë duhet të kthehet sa më shpejt
Ministria e Punëve të Jashtme ka thënë se të gjitha çështjet për rastin e Faton Hajrizit i kanë adresuar edhe te partnerët ndërkombëtarë dhe presin kthimin e trupit në Kosovë.
Përmes Zyrës Ndërlidhëse, MPJD ka komunikuar me institucionet e Serbisë dhe se do të njoftohet opinioni publik sapo të ketë ndonjë konfirmim, raporton klani.
Hajrizi ka qenë në kërkim nga autoritetet serbe, pasi më 18 korrik është raportuar se e ka vrarë një zyrtar policor serb dhe e ka plagosur një tjetër, gjatë një kontrolli rutinor në Lloznicë të Serbisë, qytezë në afërsi me Bosnje-Hercegovinën.
Një ditë më vonë u raportua në Serbi se ishte i dyshuar për vrasjen e policit serb dhe u vra deri sa ishte në arrati nga autoritetet atje.
