Tentim vrasje në Drenas, plumbat kishin cak njerëzit në një veturë
Është raportuar se një person i panjohur, ka shtënë me armë zjarri në drejtim të një veture e cila ishte e parkuar afër Drenasit.
Sipas policisë, dyshohet se brenda veturës e cila ishte cak e plumbave kishte njerëz, transmeton DrenicaOnline.
Rasti është hapur të martën në orën 00:20 minuta.
Në vendin e ngjarjes janë gjetur 6 gëzhoja te armës dhe një predhë.
Sipas policisë, është identifikuar njëri nga të dyshuarit i cili është intervistuar.
Në lidhje me rastin është konsultuar prokurori i shtetit, rasti vazhdon të hetohet nga njësitë relevante./DrenicaOnline/
