Arrestohen dy persona në këtë fshat të Drenicës, reagimi i shpejt i policit parandaloi përleshjen
Në orët e mesditës së ditës se djeshme, policia në Skenderaj kanë arrestuar dy persona të dyshuar për veprat penale sulm, kanosje dhe armëmbajtje pa leje.
Ngjarja ka ndodhur në fshatin Vitak të Skenderajt, ku ishin të përfshirë dy të dyshuarit të cilët pas një zënke ishin përleshur fizikisht, reagimi i shpejtë i një zyrtari policor në vendngjarje ka rezultuar në parandalimin e përleshjes si dhe konfiskimin e një arme të llojit pistoletë të cilën e posedonte njeri nga të dyshuarit.
Të gjitha veprimet e ndërmarra hetimore i janë paraqitur prokurorit të rastit. Rasti është iniciuar dhe është duke u hetuar për veprat penale ‘sulm’, ”kanosje” dhe “armëmbajtje pa leje”.
Pas intervistimit, me urdhër të prokurorit të rastit, dy të dyshuarit janë liruar për procedurë të rregullt.
