Humbi këmbën në Kosovë, kjo gjë ndodh për herë të parë me ushtarin britanik
Colin Hamilton është një nga shumë emrat që dha kontribut pas çlirimit në Kosovë.
Colin Hamilton u regjistrua në batalionin Royal Highland Fusiliers në gusht të vitit 1993. Gjatë asaj kohe, ai shërbeu në Irlandën Veriore dhe Bosnjë përpara se të transferohej në Black Watch në 2001. Më pas ai u dërgua në Kosovë në kuadër të Black Watch.
Hamilton është një ushtar britanik i cili humbi këmbën, gjatë kohës sa po shërbente në Kosovë në nëntor të vitit 2001, shkruan Gazeta Sinjali.
Përveç djegieve të konsiderueshme, ai humbi këmbën e djathtë deri mbi gju.
Ani pse iu desh që të vendoste një këmbë artificiale, Hamilton s’u dorëzua nga vazhdimi i misionit ushtarak. Kështu, ai është bërë i pari ushtar britanik me këmbë të amputuar dhe vazhdon të shërbejë në ushtri.
Rikthimin e tij në ushtri ai e sheh si mënyrën më të mirë të rehabilitimit.
