Tragjedia në Podujevë: Ky është babai që dyshohet se vrau djalin e tij, ja dyshimet e para

Pak më parë u raportua për një ngjarje të rëndë që ka ndodhur sot në fshatin Peran të Podujevës, ku mbeti i vdekur një person pasi u qëllua me armë të zjarrit. Të riun dyshohet se e vrau babai i tij, i cili tashmë është arrestuar.

Sinjali mëson se babai që dyshohet se vrau 28-vjeçarin, Edon Ismajli, është Naim Ismajli.

Sipas informacioneve të para, dyshohet se si shkak i problemeve pronësore, babai ka shtënë me kallash drejt djalit të tij.

Rastin për Sinjalin e kanë konfirmuar edhe nga Policia e Kosovës.

“Rreth orës 18:00, është raportuar  për të shtëna  me armë zjarri në fshatin Peran të komunës së  Podujevës. Policia ka dalë në vendin e ngjarjes dhe mbështetur  në të dhënat e para,  bëhet e ditur se një person, ka  humbur jetën si pasojë e plagëve të marra nga arma zjarrit. Vdekja e viktimës është konstatuar nga ana e mjekëve emergjent. Policia ka iniciuar një hetim me synim  sqarimin e të gjitha rrethanave që karakterizojnë rastin”, thanë nga Policia për Sinjalin.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata. 

Shpërndaje këtë lajm në:

Më shumë