Lladrovci përgëzon Gjeneral majoren Irfete Spahiu, Inspektore gjenerale e FSK-së
Kryetari i komunës së Drenasit, Ramiz Lladrovci, ka përgëzuar emërimin Inspektore gjenerale të FSK-së dhe gradimin Gjeneral major të Irfete Spahiut, duke e vlerësuar si akt të fuqizimit të shtetit.
Postimi i Lladrovcit në fb:
Trashëgimia historike e gruas shqiptare ndër shekuj, është e çmuar. Gratë, kanë qenë krah i fuqishëm dhe i pandashëm i çdo suksesi të shtetit dhe kombit tonë.
Dëshmia më e mirë ishte lufta jonë çlirimtare dhe heroina Xhevë Krasniqi Lladrovci.
Sot, kësaj trashëgimie i shtohet gradimi dhe emërimi i Irfete Spahiut, Gjeneral major njëherësh Inspektore Gjenerale e FSK-së.
Ky emërim nga ana e presidentes Vjosa Osmani, ia shton vlerën edhe të kaluarës, edhe të ardhmes tonë, në funksion të fuqizimit të Republikës së Kosovës.
Suksese Gjeneral majore Irfete Spahiu!
