Sot pritet të votohet për presidentin e ri të Shqipërisë
Kuvendi i Shqipërisë sot pritet të votojë për zgjedhjen e presidentit të ri.
Dje ishte afati i fundit i dorëzimit të kandidatëve për raundin e parë të zgjedhjes të presidentit të ri të hënën në parlament, raporton Top Channel.
Në sekretarinë e kuvendit nuk është depozituar asnjë kandidaturë. Në të tilla kushte raundi i parë sot në orën 17:00, do të zhvillohet pa pasur një emër për t’u votuar.
Pavarësisht mungesës së një emri raundi i parë sipas kushtetutës do të quhet i ezauruar për t’ia lënë vendin raundit të dytë.
Do të jetë konferenca e kryetarëve të martën e cila vendos datën për raundin e dytë.
Tryeza e negociatave në javën që po lëmë pas nuk prodhoi emra.
Presioni kohë sa vjen e shtohet në gjetjen e një ose disa emrave për t’i votuar në raundin e dytë i cili kërkon 84 vota, raporton Top Channel.
