Mbahet mbledhja e rregullt e Kuvendit Komunal
Të mërkurën është mbajtur mbledhja e rregullt e Kuvendit të Komunës së Drenasit, ku për diskutim ishin 13 pika për rend dite.
Mbledhja është kryesuar nga kryesuesi i Kuvendit Komunal, Milaim Hajdari, ndërsa merrnin pjesë, kryetari i Komunës, Ramiz Lladrovci, nënkryetari Arben Shala, drejtor të drejtorive komunale dhe anëtarë të Kuvendit.
Më poshtë ju elaborojmë pikat që janë diskutuar e miratuar me shumicë votash në mbledhjen e rregullt të Kuvendit të Komunës;
Procesverbali i mbledhjes të Kuvendit Komunal të dt. 24.03.2022
Propozim-vendim për shfuqizimin e vendimit 12 nr. 462/01-47368 të datës 30.10.2020, të Kuvendit të Komunës së Drenasit.
Propozim-vendim për shpronësimin e njësive të ndërtesave–banesave, në parcelën nr. 743-30, në zonën kadastrale në Gllogoc.
Propozim-vendim për këmbimin e pjesëve të njësive kadastrale nr.538/0 dhe 512/0 në zonën kadastrale në Nekoc.
Propozim-vendim për caktimin e lokacionit për zbatimin e Aktgjykimit C nr. 97/86, të dt. 06.10.1988.
Propozim-vendim për bartjen e të hyrave vetanake.
Propozim-vendim për shfuqizimin e vendimit të Kuvendit të Komunës nr. 02-020/04-8424, të dt. 23.02.2022.
Propozim-vendim për revidimin e Planit Komunal të menaxhimit të mbeturinave për vitin 2022, i plotësuar.
Raporti Financiar Janar-Mars 2022.
Propozim për ndryshimin dhe plotësimin të Rregullores për ndarjen e subvencioneve.
Njoftim për plotësimin me anëtar të KKSB-së (Këshillit Komunal për Siguri në Bashkësi) dhe përfaqësuesin e Komitetit për Komunitete, plotësim të vendimit me nr. 12.030-65514 të dt. 23.12.2021, dhe vendimit me nr. 12.030/01-65508 të dt. 23.12.2021.
Të ndryshme.
Në rend dite u shtua edhe Propozim-vendimi për rrënimin e objekteve të vjetra shkollore.
Propozim-vendimi për rrënimin e objekteve të vjetra shkollore (ish-objekti i shkollës “Dëshmorët e Drenicës” Qikatovë e Vjetër dhe ish-objekti i shkollës “Abedin Bujupi” në Arllat) ishte një ndër pikat e shtuara në këtë mbledhje që mori përkrahjen e asamblistëve të Kuvendit Komunal të Drenasit.
