Autoambulanca në Drenas goditet nga një veturë derisa ishte duke iu ndihmuar të lënduarve nga një aksident tjetër

Dy aksidente kanë ndodhur në rrugën nacionale sot rreth orës 19:30, afër “Kronit të mbretit” në Koroticë të Lartë të Drenasit.

DrenicaOnline raportoi më herët për këtë aksident në të cilin ishin përfshirë tri automjete.

Rastin për Sinjalin më pas e kanë konfirmuar nga Policia e Kosovës dhe kanë treguar se si ka ardhur deri te aksidenti.

Sipas Policisë, një veturë e tipit “BMW” ka qenë duke lëvizur në drejtim të Prishtinës e më pas e ka humbur kontrollin dhe i ka kaluar barrierat dhe kalon në shiritin tjetër të rrugës dhe e godet një veturë “Smart”.

Nga ky aksident janë lënduar dy persona, ndërsa në vendngjarjë kanë dalë zjarrfikësit dhe autoambulanca.

Përveç personave të lënduar, Policia ka njoftuar se ka edhe dëme materiale.

Mirëpo, kjo nuk përfundon me kaq, pasi që një veturë e tipi “Polo” e ka goditur nga mbrapa autoambulancën.

Policia ka bërë thirrje për respektim të rregullave dhe shenjave të trafikut.