Grabitja e armatosur sonte në pompen ‘Slovenia Petrol’, policia jep detaje
Policia ka dhënë detaje për grabitjen e ndodhur sonte në pompen e derivateve Slovenia Petrol në Prishtinë.
Zëdhënësja e Policisë së Kosovës për rajonin e Prishtinës, Flora Ahmeti, tha se bazuar në informacionet e para dyshohet që grabitja është kryer nga dy persona të dyshuar.
“Rreth orës 19:40 është raportuar për një grabitje të ndodhur në një pompë derivatesh në rrugën “Fahri Fazliu” në Prishtinë. Pas marrjes së informacionit policia ka dalë në vendngjarje dhe bazuar në informacionet e para dyshohet që grabitja të jetë kryer nga dy persona të dyshuar”, tha Ahmeti.
Ajo njoftoi se Policia ka iniciuar një hetim lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rrethanave të rastit.
