Vajza nga Abria kishte kafkën e shpuar nga një cifël granate, nuk mendoja se ka mbijetuar, pas 20 vitesh kuptova se është gjallë
Ish infermieri i parë i UÇK-së, Xhemajl Selimi, i cili gjatë luftës ka trajtuar me qindra civilë të plagosur, për “ZËRAT E LUFTËS”, prodhim i Gazetës Infokus, ka treguar ngjarjen nga momenti i plagosjes së një vajze të familjes Ahmeti nga Rezalla.
Ai ka treguar se kur e kishte pranuar atë për trajtim, ajo kishte plagë në kokë dhe se kafka e saj ishte e shpuar tejpërtej nga një cifël granate, e për të cilën kishte menduar se nuk do t’iu mbijetonte plagëve.
“Në mësin e shumë rasteve është edhe një vajzë e cila me gjithë vëllain u sollën në spitalin e Abrisë, nga Rezalla ku vetëm atë ditë kanë qenë dikund 33 të palgosur. Ajo vajzë e kishte një copë granate anë e përtej kafkës, e trajtova me aq sa kisha mundësi dhe u dashtë ta udhëzoj për te Doktor Fadil Beka, i cili në ato momente ishte në Gradicë, me të plagosur të tjerë. Për vajzën ishte në gjendje të rënd dhe më kujtohet shikimi i saj me aq dhembshuri. Atë ditë nuk mund të bëhesha rehat se ku me e ditë se a ka mbrri e gjallë dhe më për 20 vjet nuk e kam ditë a është gjallë apo ka vdekur edhe pse kam menduar se ajo vajzë ka vdekur. Kur i ka parë në rrjete sociale disa fotografi të saj familja Ahmeti nga Rezalla, më shkruajnë dhe më falënderojnë për vajzën që e ke shpëtu, a unë t’u mendu që ajo nuk jeton, por fatbardhësisht ajo jeton dhe i ka dy fëmijë”, ka rrëfyer për ZËRAT E LUFTËS”, Xhemajl Selimi.
/Gazeta Infokus/
.
.
.
