Biznesmeni nga Llapushniku me qëndrim në Gjermani i interesuar të investoi në Drenicë

Afaristi i njohur nga Llapushniku i Drenasit, me qëndrim në Gjermani, Zeqir Gashi së bashku me Konsullin e Republikës së Kosovës në Frankfurt, Fidan Ibrahimi kanë vizituar sot kryetarin e Komunës së Skenderajt, Bekim Jasharin.

Ata kanë biseduar rreth mundësisë për të investuar në këtë komunë.

Postimi i plotë i Bekim Jasharit:

Në takim me Konsullin e Republikës së Kosovës në Frankfurt, Fidan Ibrahimi dhe afaristin e njohur nga Llapushniku i Drenasit, me qendrim në Gjermani, Zeqir Gashi, me të cilët biseduam rreth investimeve nderkombëtare në komunën tonë dhe lehtësirave që si komunë i ofrojmë për investitorët.
Duke i falënderuar për interesimin dhe bashkëpunimin në sjelljen e investimeve në komunën tonë, i sigurova që si qeverisje lokale japim garanci dhe siguri për çdo investim që ndikon në rritjen e punësimit të të rinjve dhe zhvillimin ekonomik të komunës sonë.