Rrufeja e godet për vdekje një burrë
Një burrë në fshatin Kusoriq të Pejës ka ndërruar jetë pasditen e sotme, pasi që është goditur nga rrufeja.
Lajmin e ka konfirmuar zëdhënësi i policisë për rajonin e Pejës, Driton Rugova.
“Sot, rreth 19:25 një person është sjellë në Spitalin Rajonal në Pejë, i cili sipas ekipit mjekësor, është goditur nga rrufeja dhe nuk ka arritur të mbijetojë. Vdekjen e viktimës e ka konfirmuar ekipi mjekësor”, tha ai për Sinjalin.
Sinjali mëson se viktima është rreth moshës 52-53 vjeçar.
