Jashari nderon me homazhe dëshmorët Afrim Behrami, Ismet Osmani e Xhevdet Dobrani
Kryetari i Komunës së Skenderajt, Bekim Jashari, se bashku me shoqatat e dala nga lufta e UÇK-së, asamblistë, drejtorë komunal, familjarë të dëshmorëve e qytetarë, në 22 vjetorin e rënies heroike, bënë homazhe tek Kompleksi Memorial i Varrezave në Izbicë, në nderim të dëshmorëve, Afrim Behrami, Ismet Osmani e Xhevdet Dobrani.
Me këtë rast para të pranishmëve, duke lartësuar veprën heroike të Afrimit, Ismetit e Xhevdetit dhe dëshmorëve tjerë të rënë për Liri, Jashari theksoi se e kemi për obligim që të bëhemi bashkë për të jetësuar amanetin e dëshmorëve duke zhvilluar shtetin tonë.
“Dëshmorët dhe martirët e Lirisë janë nderi dhe krenaria jonë e përjetshme”, tha tutje Jashari.
Lavdi gjithë të rënëve në altarin e lirisë!
