Lladrovci: Mirëpresim projektet e reja, por edhe vazhdimin e projekteve të parapara me buxhet
Kryetari i komunës së Drenasit, Ramiz Lladrovci ka reaguar ndaj iniciativave të reja për projekte zhvillimore në komunën e Drenasit në zonën e Goleshit, duke potencuar se “krahas propozimit për projekte të reja, t’i zhvilloj projektet e parapara me vite në Ligjin për Buxhet, të dedikuara për këtë zonë”.
Lladrovci ka shkruar po ashtu se “Lidhur me dy gurthyesit në atë zonë, çështjen e kam adresuar te organet e ndjekjes, për të gjithë përgjegjësit potencial që janë përfshirë në degradimin e kësaj pjese duke filluar nga zyrtaret e komunës, ata të Komisionit të Pavarur për Miniera dhe Minerale dhe kushdo qofshin akterët tjerë. Po ashtu Komuna e Drenasit, ka ushtruar padi për kompensim të dëmit ndaj atyre që e degraduan këtë zonë”.
Postimi i plotë i Lladrovcit në fb:
Mirëpres vlerësimin për zonën e Goleshit si zonë me interes të veçantë, ku është theksuar rëndësia e zhvillimit dhe rehabilitimit të kësaj zone. Pasi flitet për projekte të reja, mirëpres dhe ftoj nivelin qendror që krahas propozimit për projekte të reja, t’i zhvilloj projektet e parapara me vite në Ligjin për Buxhet, të dedikuara për këtë zonë.
Jemi në pritje të realizimit të projektit të Stadiumit nacional, ku kemi ndërmarrë me kohë të gjitha veprimet e nevojshme që prona të bartët në pronësi të Ministrisë së Kulturës, Rinisë dhe Sportit, si dhe me zhvillimin e punimeve për zgjerimin e zonës ekonomike.
Lidhur me dy gurthyesit në atë zonë, çështjen e kam adresuar te organet e ndjekjes, për të gjithë përgjegjësit potencial që janë përfshirë në degradimin e kësaj pjese duke filluar nga zyrtaret e komunës, ata të Komisionit të Pavarur për Miniera dhe Minerale dhe kushdo qofshin akterët tjerë. Po ashtu Komuna e Drenasit, ka ushtruar padi për kompensim të dëmit ndaj atyre që e degraduan këtë zonë.
Çdo projekt i cili do të jetë në interesin e përgjithshëm, është i mirëpritur dhe i japim përkrahje.
