E gjuajtën Albin Kurtin me vezë e shishe plastike, policia merr masa ndaj të dyshuarve
Albin Kurti vizitën e së hënës në Skenderaj nuk e kaloi mirë, pasi që disa qytetarë e brohoritën dhe gjuajtën me vezë, shishe plastike e gurë, shkruan Gazeta Sinjali.
E policia e Kosovës ka marrë masa për personat e dyshuar për sulm dhe fyerje ndaj tij.
Burime të Gazetës Sinjali bëjnë me dije se policia ka identifikuar dhe intervistuar të dyshuarit.
Ndryshe VV-ja dje publikoi një video ku Kurti shihej në disponim të mirë duke biseduar me qytetarë nga Skenderaj në shtëpitë e tyre.
