Forca e Sigurisë së Kosovës marshon ne territoret e Drenasit
Pjestarët e Ushtrisë së ardhshme të Kosovës, përkatësisht Kompania e Task Forcës për Kërkim dhe Shpëtim të Regjimentit të Mbrojtjes Civile të udhëhequr nga komandant nënkolonel Heset Malsiu, kanë marshuar sot në territorin e Komunës së Drenasit.
Pikënisjen e kanë pasur të vendi i quajtur Guri i Plakës në fshatin Dobroshec, ndërsa stacionin e ndaljes te vendi i rënies së Heronjve të Kosovës, Fehmi e Xhevë Lladrovci.
Prestarët e këtij njësiti të FSK-së, ndalesën e fundit të marshit e kanë zhvilluar në sheshin e Drenasit, para shtatorëve të Fehmi e Xhevë Lladrovcit ku edhe janë pritur nga kryetari i Komunës së Drenasit dhe nxënësit e shkollës “Rasim Kiqina”. Me këtë rast, kryetari Lladrovci i cili ka falënderuar ushtarët për këtë parakalim dhe ka uruar që sa më shpejt, FSK-ja të behët ushtri në shërbim te të gjithë shtetasve të Republikës së Kosovës, duke përcjellë kështu të gjithë amanetin e dëshmorëve të vendit.
