Presidenti paralajmëron kthimin në pikën zero të procesit për verifikimin e veteranëve
Presidenti i Kosovës, Hashim Thaçi ka pritur sot në takim përfaqësuesit e Organizatës së Veteranëve të Luftës së UÇK-së, Hysni Gucatin dhe Migjen Shalën.
Me këtë rast Thaçi ka deklaruar se i është kërkuar që të ushtrojë autoritetin e tij, që i tërë procesi të kthehet në pikën zero, duke e konsideruar këtë si të vetmen mundësi për tejkalimin e parregullsive të shumta.
Ndryshe çështja e veteranëve të luftës vazhdon të jetë ende temë aktuale, pas fryrjes së madhe të listave.
Postimi i plotë:
Sot prita përfaqësuesit e Organizatës së Veteranëve të Luftës së UÇK-së, Hysni Gucatin dhe Migjen Shalën.
Përfaqësuesit e OVL-së së UÇK-së shprehën shqetësimet e tyre lidhur me listat e veteranëve të UÇK-së dhe kërkuan që të ushtroj autoritetin tim, që i tërë procesi të kthehet në pikën zero, duke e konsideruar këtë si të vetmen mundësi për tejkalimin e parregullsive të shumta. HTH
