Bylykbashi: Jo dreka zyrtare me paratë e qytetarëve
Kuvendi Komunal i Komunës së Drenasit kanë organzuar një drekë pune me përfaqësues të grupeve të këshilltarëve komunalë, shkruan Drenica Online.
Me këtë rast asambleisti i VV-së, Sokol Bylykbashi ka bërë të ditur se nuk do të marr pjesë në këtë drekë me arsyetimin se kjo është vetëm shpenzim.
Postimi i plotë:
JO DREKA ZYRTARE ME PARATË E QYTETARËVE
Zyra e Kuvendit Komunal të Drenasit, për ditën e nësërme ka thirrur përfaqësuesit e grupeve të këshilltarëve komunalë për drekë pune.
Si rëndom, unë nuk do jem pjesë e kësaj dreke, ngase në vazhdimësi kam kritikuar për shpenzimet e larta të zyrtarëve komunalë për dreka e darka.
Zyra e Kuvendit me mjetet financiare që mendon t’i shpenzojë për gjera luksi, do të duhej t’i shpenzonte në angazhimin e televizionit lokal për përcjelljen e seancave mujore.
Mungesa e mediave lokale në seancat e Kuvendit, i ka përjashtuar qytetarët nga informimi për punën e organit më të lartë vendimmarrës komunal.
Mungesa e transparencës për punën e Kuvendit Komunal, po bëhet problem madhor në Komunën tonë.
Sokol Bylykbashi
Këshilltar komunal i VV në KK të Drenasit
