Shikojeni se në çfarë gjendje ndodhet kjo rrugë në Arllat, do të habiteni (Video)
Një rrugë e Drenasit që lidh tri katër qytete është në gjendje tepër të keqe. Për këtë arsye shoferët ankohen se po u shkatërrohen makinat. Ramiz Lladrovci thotë Ministria e Infrastrukturës është përgjegjëse për gropat në rrugën e Orllatit. Në Ministri kanë thënë se shpejt do të nis sanimi i rrugës pasi kontrata është nënshkruar.
Një autobusi i duhet të ndalet para se të vazhdojë rrugën.
Kjo për arsye të gjendjes aspak të mirë në të cilën është rruga në fshatin Orllat të Komunës së Drenasit, e cila është rrugë lidhëse për Malishevën, Rahovecin e Prizrenin me Prishtinën.
Dheu i shembur ka shkaktuar probleme për secilin që kalon kah kjo rrugë. Shoferët, shumica prej të cilëve kalojnë shpesh këndej, ankohen për dëmet që po ua sjell mjeteve të tyre.
E disa prej tyre bile propozojnë zgjidhje se si duhet të sanohet problemi me këtë rrugë.
Por, Kryetari i komunës së Drenasit, Ramiz Lladrovci mohon çfarëdo përgjegjësie mbi këtë rrugë. Sipas tij, kompetencat i ka Ministria e Infrastrukturës pasi ajo është rrugë regjionale.
E Ministria e Infrastrukturës në një përgjigje për televizionin ka thënë se për pak ditë do të fillojë sanimi i kësaj rruge. Sipas Ministrisë kontrata e mirëmbajtjes për atë rrugë ka kohë që është nënshkruar.
Kjo pjesë e fshatit, ka telashe pothuajse të përhershme sepse dheu nën rrugë shembet. Pos riparimeve sipërfaqësore, nuk është ndërhyrë asnjëherë në pjesën poshtë rrugës.
https://www.youtube.com/watch?v=SpFRLXWzmOw
