Zjarrfikësit nga Drenasi po e kërkojnë policin e zhdukur në Lepenc (Foto)
Kërkimet për policin e zhdukur në Lepenc, Armend Trena, kanë vazhduar edhe sot në ditën e shtatë.
Ato u ndërprenë pasditen e sotme për shkak të rritjes së nivelit të ujit pas reshjeve të fundit të shiut.
Pjesë e ekipeve të kërkimit janë edhe zjarrfikësit nga Drenasi, transmeton DrenicaOnline.
Njësiti i zjarrfikësve nga ky qytet po qëndron në Kaçanik për të kërkuar policin Trena i cili bashkë me Malsor Dashin u aksidentuan të shtunën mbrëma.
Para dy ditë është gjetur polici Dashi, ku dje me ceremoni shtetërore është varrosur në fshatin e tij./DrenicaOnline/
