Mediat serbe nisin fushatë kundër Veselit: Njeriu kryesor i UÇK-së që u ngrit duke luftuar serbët
Mediat në Serbi kanë filluar një fushatë kundër figurës së kryetarit të Kuvendit të Kosovës dhe liderit të PDK-së, Kadri Veseli
Gazeta serbe “Blic” që kontrollohet nga presidenti serb, Aleksandër Vuçiq, ka nxjerrë në ballinën e saj të sotme fotografi të luftës së UÇK-së ku shihet kryeparlamentari kosovar, Kadri Veseli, krahas komandantit legjendar të UÇK-së, Adem Jashari.
Gazeta Blic e Serbisë ka filluar të publikojë një dosje për Veselin, që nga themelimi i UÇK-së e deri në ardhjen e tij në krye të institucioneve të Kosovës, duke theksuar se Veseli ishte njeriu kryesor i UÇK-së që u ngrit në krye të institucioneve duke luftuar serbët dhe Serbinë.
“Kadri Veseli është trajnuar për luftë guerile dhe terrorizëm që nga vitet 1990, dhe ka demonstruar të gjitha njohuritë e tij në UÇK”, shkruan ndër të tjera Gazeta Blic e Serbisë.
