Aksident me shtatë të lënduar në rrugën Mitrovicë- Skënderaj
Një aksident trafiku ka ndodhur sonte rreth orës 19:00, në rrugën rajonale Mitrovicë-Skënderaj, konkretisht në fshatin Broboniq.
Këtë e ka konfirmuar për “Indeksonline” zëdhënësi i Policisë për rajonin e Mitrovicës, Avni Zahiti.
Sipas tij, në këtë aksident janë lënduar 7 persona të cilët kanë kërkuar tretman mjekësor në spitalin Rajonal të Mitrovicës.
Po ashtu ai tha se në aksident janë përfshirë dy vetura civile, ndërsa Policia ka dal në vendin e ngjarjes.
