Opozita e Drenasit merr këtë vendim
Të nderuar qytetarë të Drenasit, në lidhje me mbledhjen e radhes së Komitetit për Politikë dhe Financa (KPF) e cila është paraparë të mbahet nesër me 19.04.2018. Ne se bashku me kolegët anëtarë të KPF-së kemi vendosur të mos marrim pjesë për arsye se nuk janë respektuar ligjet në fuqi,prandaj se bashku me kolegët nga opozita i kemi derguar e-mail zyrtare Kryesusit të Kuvendit si në vijim:
I nderuar Kryesues,
Ne anëtarët e Komitetit për politikë dhe financa, Burim Bujupi, Fitore Morina, Florentina Elezi dhe Edolina Plakiqi ju njoftojmë se për shkak të mungesës së materjalit të nevojshem për mbledhjen e paraparë për nesër, nuk do të marrim pjesë.
Ligji për vetëqeverisje lokale e parasheh që materjali për secilen pikë të rendit të ditës për mbledhje të Komitetit për politikë dhe financa si dhe mbledhje të Kuvendit të Komunës, materjali të ju përcillet 7 ditë para mbledhjes.
Në fakt, kjo nuk është hera e parë që nuk kemi marrë materjalin me kohë, prandaj për të ndërprerë shkeljen e ligjit në mënyrë të vazhdueshme nga Ekzekutivi i Komunës sonë, kemi vendosur që në mbledhje të marrim pjesë vetëm atëherë që konform ligjit të kemi pranuar materjalin e nevojshëm për mbledhje.
Me respekt,
Burim Bujupi
PS. Ky email dërgohet edhe në emër të kolegëve të lartshënuara, pas takimit rreth kësaj çështje.
