Lekaj: Në ditët në vijim Qeveria do t’i ketë 72 vota
Ministri i Infrastrukturës Pal Lekaj thotë se largimi i Listës Serbe nuk do të bëjë problem në vazhdimin e qeverisjes së Ramush Haradinaj.
Thekson se në ditët e ardhshme, Haradinaj do të marrë mbështetjen edhe të disa deputetëve të tjerë të Kuvendit. Kështu, Haradinaj do të mund të llogaritë në 72 vota në Kuvend.
“Po ju garantoj që kjo qeveri do t’i ketë përafërsisht 72 deputetë”, tha Lekaj në emisionin DPT te Fidani në T7.
“Në ditët në vijim do të bindeni që kjo qeveri do të mbështetet nga deputetët e parlamentit të Republikës së Kosovës të zgjedhur nga populli”, theksoi ai.
Por, kjo sipas Lekajt, nuk do të thotë se qeveria po zgjerohet.
“Nuk ka zgjerim por ka mbështetje nga deputetët që mendojnë pozitivisht’, tha Lekaj.
Posted by T7 on Tuesday, April 3, 2018
