Si u përplas Pacolli me qytetarë te ‘Rrethi’ (VIDEO)
Nënkryetari i komunës së Prishtinës Selim Pacolli nuk është prit aspak mirë nga qytetarët të ‘Rrethi’ në Prishtinë derisa po pritej të vendosej flamuri shtetëror i Kosovës.
Ai është ofenduar nga qytetarët të cilët e kanë akuzuar për heqjen e flamurit kombëtar.
Mes tjerash Pacolli është pyetur nga një qytetar se përse nuk po vendoset edhe një flamur i Serbisë në të njëjtin vend.
Përplasje mes Selim Pacollit dhe qytetarëve të pakënaqur me heqjen e Flamurit Kombëtar
Përplasje mes Selim Pacollit dhe qytetarëve të pakënaqur me heqjen e Flamurit Kombëtar
Posted by IndeksOnline on Tuesday, February 13, 2018
Pse s’po e vendosni edhe një flamur të Serbisë”, ka pyetur një qytetar Pacollin
Nënkryetari i Prishtinës i është kundërpërgjigjur qytetarit duke i thënë se nëse e sheh të arsyeshme vendosjen e flamurit serb, vendoseni vet sepse komuna nuk e bënë një gjë të tillë.
“Nëse ju e shihni të arsyeshme shkoni qiteni ju, unë jo”, ka thënë Pacolli.
“Je bo nënkryetar me votat tona, duhet me të ardhë marre”, i tha një tjetër.
Ndërkohë në një moment Pacolli e ka pyetur njërin prej tyre se mos kishin ‘ndonjë problem personal’.
